Урад прагназуе рост ВУП і даходаў. Адкуль?!


Беларуская эканоміка зазнае складанасці, але далей будзе толькі лепш. Так вынікае з абнародаваных эканамічных прагнозаў уладаў Беларусі. Ці праўда? Даведаемся ў праграме «Эканоміка з Чалым».

Рост ВУП на 2023 год плануецца на ўзроўні 3–3,8 % у параўнанні з гэтым годам. Рост рэальных даходаў насельніцтва – 4,1 %. Рост рэальных заробкаў – на 4,6 %. Адкуль узяліся 3,8 %?

«Ніхто ж не адмяняў планаў на пяцігодку, якія былі прынятыя насамрэч увосень 2021 года. Сэнс у тым, што на 2023 год у гэтым прагнозе на пяцігодку было 3,8 % у плюсе. Гэта значыць, узялі проста адтуль», – тлумачыць эканаміст Сяргей Чалы.

Досвед Аршанскага раёну, калі «мёртвыя прадпрыемствы» не закрывалі, а спрабавалі рэанімаваць, стане мадэльным прыкладам таго, як будзе працаваць інвестыцыйны бум, які забяспечыць рост ВУП на наступныя гады.

Таксама ў праграме «Эканоміка з Чалым»:

  • Зрабіць больш старызны змаглі, а замяніць старызну на нешта новае не атрымалася
  • Санкцыі ратуюць беларускі лес?
  • Імпартазамяшчэнне праз плот

Belsat.eu