Ці добраахвотна Лукашэнка даў інтэрв’ю Кісялёву? Дзе пралягае чырвоная лінія для Лукашэнкі ў інтэграцыі з Расеяй? Ці праглыне афіцыйны Кіеў прызнанне Лукашэнкам Крыму расейскім?
Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»: журналістка-фрылансерка Настасся Яўмен, выканаўчы дырэктар Цэнтру наратываў дэмакратыі Паўло Лодын, а таксама прадстаўнік Народнага антыкрызіснага ўпраўлення Міхаіл Кірылюк.
Некаторыя думкі, агучаныя гасцямі праграмы ў часе эфіру:
Міхаіл Кірылюк
- Лукашэнка нагадвае малое дзіцё, якое правярае межы на практыцы: наколькі далёка ён можа зайсці
- Не трэба думаць, што на беларускіх прадпрыемствах ёсць нейкія алмазы і што стаіць чарга з ахвочых іх набыць
- Калі прапановы Народнага антыкрызіснага ўпраўлення былі б прынятыя, санкцыі Еўразвязу супраць рэжыму Лукашэнкі былі б значна больш жорсткія
Настасся Яўмен
- Нельга чакаць, што ад санкцыяў рэжым рухне, санкцыі – гэта часта ціску на Лукашэнку
- Для Захаду чалавечае жыццё – гэта безумоўная абсалютная каштоўнасць, а для Лукашэнкі – выключна прадмет гандлю
- Лукашэнка выканае ўсё, што будзе патрабаваць Крэмль, калі гэта не пацягне за сабою страты ўлады
Паўло Лодын
- У Лукашэнкі змяншаецца поле для манеўру
- Меркаванне ўкраінскага грамадства наконт прызнання Лукашэнкам анексіі Крыму адрозніваецца ад пазіцыі афіцыйнай улады
- Я нават не бачу, як Лукашэнка будзе выкручвацца з гэтай сітуацыі, бо чым далей, тым градус эскалацыі будзе толькі павышацца
