Умовы, пры якіх беларускае вызвольнае войска можа зрынуць рэжым

Беларускае вызвольнае войска – фантастыка ці рэчаіснасць? Ці існуюць варыянты, паводле якіх беларускія ваяры прыйдуць з-за мяжы і скінуць рэжым? Усе магчымыя сцэнары такога кшталту – у выданні ток-шоу «План: Б».

Байцы палка Каліноўскага па-ранейшаму не бачаць іншага шляху зменаў у Беларусі, як толькі зрынуць дыктатара. Пра гэта распавядае госць праграмы Вадзім Кабанчук, намеснік палка імя Каліноўскага:

«Тое, што мы казалі напачатку вайны, тое мы і працягваем думаць. Больш за тое, мы да гэтага рыхтуемся. Каб у нашым бачанні быў іншы сцэнар зменаў у Беларусі, мы б на гэтым не настойвалі».

Не лічыць утопіяй вызваленне краіны беларускім войскам і вайсковы эксперт Аляксандр Алесін:

«Такое войска не фантастыка, мы ведаем прыклады, калі нават невялікія групы людзей, у якіх была ідэя, якія былі апантаныя сваёй мэтаю, зрыньвалі грамадскі лад цэлай дзяржавы».

Каб зрэалізаваўся такі сцэнар у Беларусі, спадар Алесін называе шэраг умоваў: трэшчына ва ўладзе – людзі на высокіх дзяржаўных пасадах, якія сваймі дзеяннямі ці іхнай адсутнасцю спрыялі б уваходу вызвольнага войска. Таксама неабходная велізарная грамадская падтрымка. Ні першага, ні другога пункту ў Беларусі цяпер няма, – мяркуе адмыслоўца.

Батальён Каліноўскага рыхтуе свой план адхілення Лукашэнкі ад улады

Грамадскі дзеяч Аляксандр Апейкін у студыі ток-шоу «План: Б» разважае, што вызвольнае войска – толькі адзін са складнікаў магчымых зменаў у Беларусі. Умовамі перамогі над рэжымам адмыслоўца сярод іншых называе значныя поспехі ЗСУ на фронце і працу з беларускім падполлем. Неабходныя і дыпламатычныя поспехі дэмакратычных сілаў Беларусі, якія прыцягваюць увагу саюзнікаў і дамаўляюцца з імі.

«Сітуацыя павінна скласціся такім чынам, што ў самой Расеі некалькі дзён ці тыдзень павінна быць не да Беларусі», – упэўнены адмыслоўца. Пры такіх умовах створыцца акно магчымасцяў для зменаў у Беларусі.

Колькі можа каштаваць утрыманне беларускага вызвольнага войска? Што рабіць, калі Пуцін у Беларусі выставіць свае палкі? Чаму Аляксандр Алесін лічыць немагчымым наступ беларускага войска на Украіну? Чаму не аб’ядналі намаганняў полк Каліноўскага і полк «Пагоня»? Ці мае Сяргей Кароткіх дачыненне да палка Каліноўскага? Адказы на гэтыя ды іншыя пытанні глядзіце ў праграме.

Глядзіце ток-шоу «План Б» на YouTube-канале «Белсат News», у праграме «Belsat Smart» для тэлевізараў з функцыяй «Smart», на мабільных прыладах з сістэмамі iOS і «Android», a таксама ў эфіры «Белсату».

belsat.eu

Падпісвайся на telegram Белсату

Больш матэрыялаў

Дзеля знішчэння Лукашэнкавай аховы ствараюць батальён?

У Лукашэнкі будзе два тыдні пасля перамогі Украіны

Удар Украіны па РБ, эканамічны абвал, тры месяцы Кабінету

Рабацягі супраць Лукашэнкі. Калі новы выбух?

Полк Каліноўскага можа рэпрэзентаваць беларускі народ?

Канцлагеры, нагнятанне страху… Як гэтаму супрацьстаяць?

Якія тры фактары загоняць Лукашэнку ў кут?

Сем галоўных злачынстваў Лукашэнкі