У беларускага грамадства сфармавалася два погляды на стаўленне да рэферэндуму аб Канстытуцыі. Першы – не варта нікуды ісці, байкот, другі – трэба прыйсці, паставіць два крыжыкі, паказаць, што мы ёсць. Які з гэтых падыходаў больш палітычна перспектыўны, які можа рэальна паўплываць на сітуацыю? Наколькі мяняецца палітычная сітуацыя ў Беларусі ў сувязі з расейскімі войскамі ў краіне?
Гэтыя ды іншыя пытанні Віталь Цыганкоў у «Размове» абмеркаваў з былым работнікам Адміністрацыі прэзідэнта Беларусі Анатолем Котавым.
Некаторыя думкі, што агучыў Анатоль Котаў у часе «Размовы»:
- Два крыжыкі ў бюлетэнях – голас супраць рэферэндуму як такога, і гэта той самы голас, які трэба абараняць
- Дыпламатычны корпус пачысцілі ад здраднікаў рэжыму Лукашэнкі
- Уладам увогуле не патрэбныя выбарнікі для правядзення сваіх маніпуляцыяў
- Запрашэннем расейскіх войскаў на час рэферэндуму Лукашэнка хацеў надаць рашучасці сваім сілавікам, стварыць «заградатрад»
- У Беларусь прыбудуць 30 тысячаў расейскіх вайскоўцаў – больш, чымся баяздольнае беларускае войска
- Украіна ўпершыню разглядае Беларусь як рэальную пагрозу, а не гіпатэтычную
«Размову» цалкам глядзіце на YouTube-канале «Белсат News».
Калаж з фота: Valery Sharifulin / TASS / Forum
