Ціск на рэжым кіраўніка Венесуэлы Нікаласа Мадура будзе ўзмоцнены з дапамогай новых санкцый.
Пра гэта заявіў памочнік прэзідэнта ЗША па нацыянальнай бяспецы Джон Болтан у інтэрв’ю амерыканскаму тэлеканалу Fox News, піша DW.
У першую чаргу, гаворка ідзе пра перакрыццё Мадура доступу да фінансавых рэсурсаў, неабходным яму, каб застацца ва ўладзе, удакладніў палітык.
Некалькімі гадзінамі раней спецпрадстаўнік Вашынгтона з пытанняў Венесуэлы Эліёт Абрамс заявіў, што ЗША таксама разглядаюць магчымасць прыняцця так званых «другарадных санкцый» супраць грамадзянаў трэціх краін і кампаній, звязаных з урадам Венесуэлы, з мэтай «дамагчыся мірнай, дэмакратычнай змены ўлады». Аднак адпаведнае рашэнне яшчэ не было прынята, падкрэсліў Абрамс.
Пры гэтым ён звярнуў увагу: у ЗША няма плану ваеннага ўварвання ў Венесуэлу толькі таму, што прэзідэнт ЗША Доналд Трамп раней заявіў, што «не выключае ніякіх опцыяў».
«Ніхто не кажа аб ваенным умяшанні ЗША ў сітуацыю ў Венесуэле, акрамя рэжыму Мадура і расейцаў», заявіў дыпламат.
КА, belsat.eu