ЗША пашыраюць санкцыі супраць Венесуэлы


Міністэрства фінансаў ЗША ўзмацніла ціск на венесуэльскі дзяржаўны нафтавай канцэрн PDVSA: цяпер пад амерыканскімі санкцыі апынуцца міжнародныя імпарцёры, што будуць пастаўляюць у Венесуэлу вадкасці для развядзення нафты. Пра гэта паведамлае golos-ameriki.ru.

ЗША імкнуцца максімальна абмежаваць даходы, якія рэжым Нікаляса Мадуры атрымлівае дзякуючы дзейнасці дзяржаўнай нафтавай кампаніі PDVSA. Канцэрн доўгі час імпартаваў разбаўляльнікі з ЗША. Гэтыя рэчывы неабходныя для развядзення венесуэльскай звышцяжкай нафты, што робіць яе прыдатнай для наступнага экспарту. Аднак улады ЗША забаранілі амерыканскім вытворцам весці падобныя аперацыі яшчэ ў студзені, прымусіўшы PDVSA звярнуцца да пастаўшчыкоў з іншых краінаў.

«Мы зацягваем пятлю на любых патэнцыйных шляхах абыходу існуючых санкцыяў, якія дазваляюць рэжыму Мадура шукаць шляхі для выкарыстання PDVSA у якасці сваёй дойнай каровы», – кажа ананімная высокапастаўленая крыніца ў адміністрацыі ЗША.

Прадстаўнік адміністрацыі дадаў, што апошняе паведамленне Мінфіна папярэджвае міжнародныя кампаніі пра тое, што любое іх далейшае ўзаемадзеянне або здзелкі з PDVSA могуць стаць падставай для будучых патэнцыйных санкцый.

У траўні экспарт нафты з Венесуэлы ўпаў праз санкцыі на 17%.

  • Венесуэла перажывае зацяжны эканамічны крызіс, які стаў вынікам палітыкі Нікаляса Мадура. У краіне гіперінфляцыя, людзям не хапае ежы і лекаў, сотні тысяч венесуэльцаў эмігравалі. У канцы 2018 года ў Венесуэле адбыліся прэзідэнцкія выбары, на якіх зноў перамог Мадура. Аднак апазіцыя і большасць краінаў Лацінскай Амерыкі перамогу Мадура не прызналі, бо не лічылі выбары свабоднымі і справядлівымі.
  • 23 студзеня старшыня парламенту Венесуэлы Хуан Гуаідо заявіў аб адхіленні Нікаляса Мадура ад пасады прэзідэнта. Яго прызналі часовым кіраўніком Венесуэлы ЗША, амаль усе дзяржавы Паўднёвай Амерыкі і многія еўрапейскія краіны.

Краіна над прорваю. Венесуэла

ІІ belsat.eu

Глядзі таксама
Каментары