Доналд Трамп падпісаў дакумент, паводле якога для грамадзянаў Польшчы адмяняюцца візы ў ЗША. Цяпер жыхары нашай Заходняй суседкі змогуць наведваць Злучаныя Штаты не больш за 90 дзён для турыстычных ці дзелавых мэтаў, без візаў.
Скасаванне турыстычных і дзелавых візаў адбудзецца пасля таго, як завершацца адміністрацыйныя працэдуры. Звычайна гэта працягваецца некалькі месяцаў.
Як падкрэслівае RMF FM, рашэнне Трампа датычыцца толькі турыстычнага руху, і гэта не азначае, што людзі, якія прыязджаюць у ЗША, змогуць уладкавацца на працу.
Паводле звестак СМІ, пра ўступленне Польшчы ў праграму адмены візаў меўся абвесціць Доналд Трамп падчас свайго візіту ў Польшчу падчас 80-годдзя пачатку Другой сусветнай вайны. Аднак прэзідэнт ЗША ў апошні момант адмяніў візіт, і віцэ-прэзідэнт Майк Пэнс, які яго замяніў, не стаў каментаваць гэтае пытанне.
Адмена візаў для Польшчы дазволіць грамадзянам краіны наведваць ЗША да 90 дзён. Аднак тыя грамадзяне, якія пасля 1 сакавіка 2011 году наведвалі Паўночную Карэю, Іран, Ірак, Лівію, Самалі, Судан, Сірыю, не змогуць удзельнічаць у бязвізавай праграме. Гэтыя асобы павінны будуць падаць заяву на візу на ўмовах, якія існавалі і раней.
CК belsat.eu