Экскурсія на Гомельшчыну скончылася для 23-гадовага жыхара Астраўца крымінальнай справай.
14 красавіка ў складзе групы мужчына прыехаў на паўднёвы ўсход краіны. У вадаёме знайшоў і забраў сабе мабільны тэлефон, пасля чаго скарыстаўся ім «у асабістых карыслівых мэтах», паведамляе афіцыйны прадстаўнік Следчага камітэту па Гарадзенскай вобласці.
На наступны дзень змяніў асабістую інфармацыю ўладальніка тэлефона ў ягоным акаўнце ў сацыяльнай сетцы, а таксама змяніў пароль. Пазней зрабіў плацеж для камп’ютарнай гульні на $ 18, скарыстаўшыся грашыма з электроннага гаманцу пацярпелага.
Следчыя такую актыўнасць ацанілі крымінальнай справай за тры злачынствы: мадыфікацыя інфармацыі, наўмыснае блакаванне камп’ютарнай інфармацыі і несанкцыяваны доступ да камп’ютарнай інфармацыі, здзейснены з карыслівай або іншай асабістай зацікаўленасці. Максімальнае пакаранне за такія дзеянні – да 5 гадоў зняволення.
У дадатак мужчыну аштрафавалі за прысабечванне знойдзенай маёмасці, сам ён цалкам кампенсаваў страты пацярпеламу.
Крымінальную справу перадалі пракурору, які накіруе яе ў суд.
НМ, belsat.eu