Змены клімату: беларускія лясы могуць застацца без буякоў


Плошчы, прыдатныя для росту буякоў у Беларусі, могуць скараціцца праз змены клімату. Пра гэта заявілі ў навуковым аддзеле Нацыянальнага парка «Белавежская пушча».

У Беларусі з’явілася новая кліматычная зона

Навукоўцы адзначаюць, што павышэнне тэмпературы і зніжэнне колькасці ападкаў прыводзяць да паступовага скарачэння плошчы месцаў, прыдатных для буякоў.

«У далейшым, пры захаванні цяперашніх тэмпаў змянення ўмоў надвор’я, буякі будуць «сыходзіць» разам з верхавымі балотамі», – адзначылі ў Белавежскай пушчы.

Разам з тым спецыялісты заявілі, што ўжо выведзеныя новыя гатункі буякоў, якія больш прыстасаваныя да глебавых умоў і валодаюць высокай прадукцыйнасцю.

Чаму камароў і мошак стала меней, а кляшчоў паболела? Разбіраемся з энтамолагам

«Аднак толькі буякі звычайныя, якая растуць непасрэдна ў лесе, маюць той самы непаўторны смак і прыродны водар», – заўважылі ў навуковым аддзеле.

Буякі сустракаюцца пераважна ў забалочаных хвойніках, дзе вада ў глебу паступае толькі з атмасферных ападкаў.

МГ belsat.eu

Глядзі таксама
Каментары