[vc_row][vc_column][vc_raw_html]JTNDaWZyYW1lJTIwd2lkdGglM0QlMjI0ODAlMjIlMjBoZWlnaHQlM0QlMjIyNzAlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGb21qak5yUG0zSk0lMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][vc_column_text]У самым вялікім шматпавярховіку Верхнядзівінску, што на Віцебшчыне, на жыхароў льецца вада.
Праз нясвоечасовы капітальны рамонт узімку на галовы людзям льюцца вёдры вады, а спаць можна толькі ў ватоўках і накрыўшыся цыратаю. Будаўнікі, робячы страху, прыбралі пліты перакрыцця.
«За ноч 6 бочак вады выліваем, калі б гэтага не рабілі, дык затанулі б зусім», – праводзіць экскурсію па сваім гасцінным пакоі жыхар дому Андрэй Карамаў.
Каб пазбегчы кароткага замыкання, жыхары не карыстаюцца электрычнымі прыборамі, шмат уласнае маёмасці пашкоджана. А некаторыя напярэдадні зрабілі рамонт, узяўшы на яго крэдыты.
30 гадоў таму дом збудавалі для перасяленцаў з Чарнобылю ў рэкордна кароткі тэрмін. Цяпер ім жыве намесніца старшыні райвыканкаму ў сацыяльных пытаннях, але гэта ніяк не дапамагае вырашыць праблему.
«Наш райвыканкам з намі не сябруе. У іх адзін адказ: навошта вы ў гэтым доме жывяце? Вас ніхто не прымушаў тут кватэры набываць. Вас ніхто сюды не запрашаў», – разводзіць рукамі жыхарка Марына Каляда.
Сюжэт пра Верхнядзвінск падрыхтавала праграма «Маю права», якая выходзіць на «Белсаце» па серадах а 19:05.
ІА, belsat.eu