У расейскім горадзе Нар’ян-Мар мужчына падчас ціхай гадзіны зайшоў у дзіцячы садок і забіў аднаго з дзяцей. Забітаму было шэсць гадоў.
У Следчым камітэце паведамілі, што падазраваны затрыманы на месцы злачынства. Ім апынуўся п’яны 36-гадовы мясцовы жыхар.
Распачатыя крымінальныя справы, як у дачыненні да затрыманага за забойства дзіцяці, гэтак і да працаўнікоў і аховы садка за нядбайнасць і аказанне паслуг, якія не адпавядаюць патрабаванням бяспекі жыцця і здароўя спажыўцоў.
Хлопчык загінуў ад удару нажом у шыю.
Працаўнікі садка прапусцілі нападніка, бо палічылі яго бацькам аднаго з дзяцей.
Бацькі забітага заяўляюць, што не ведалі нападніка.
Сам ён патлумачыў забойства тым, што ў адной з кніжак прачытаў загавор, згодна з якім для «вечнага жыцця блізкім і багатага жыцця сабе і ім», трэба забіць малое дзіця.
МГ belsat.eu
