28-гадовы маркетолаг Раман Дубінка стварыў таксама новы дызайн афармлення для хуткай дапамогі. Праекты ў нацыянальным стылі ён намаляваў за за 4-5 гадзін.
Канчатковы вынік яму спадабаўся, аднак службам і ведамствам свае варыянты пакуль не прапаноўваў. Затое размясціў малюнкі ў сацыяльных сетках.
На думку Рамана, аўта, якія належаць сур’ёзным дзяржаўным ведамствам можна аформіць строга, сучасна і прыгожа. Натхняўся хлопец выявамі розных машын службаў замежных краінаў.
«А нядаўна я ўбачыў самалёт нашай авіякампаніі «Белавія», які быў аформлены ў беларускім нацыянальна стылі, і падумаў: выдатна, калі аналагічным чынам размаляваць і машыны. Вышыванка цяпер вельмі папулярная і запатрабаваная.
Калі раптам маёй працай зацікавяцца і захочуць увасобіць у жыццё, мне будзе вельмі прыемна. Нават не трэба грашовай узнагароды – хай забіраюць проста так. Мне будзе дастаткова таго, што я апынуўся карысным грамадству», – распавёў кобрынец.
ДР belsat.eu