Журналістку «Белсату» выклікаюць на допыт паводле справы пра пратэсты

Кацярына Андрэева. Фота: Алесь Карніенка

Яе затрымлівалі на акцыі 14 ліпеня.

З’явіцца на допыт у СК яна павінна 20 ліпеня а 10:00.

Вынікі НЕрэгістрацыі кандыдатаў: людзі выйшлі пратэставаць. Падчас стрыму затрыманыя журналісты «Белсату»

Кацярыну Андрэеву выклікаюць у якасці сведкі паводле справы, распачатай паводле арт. 342 КК (Арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх).

Журналістка «Белсату» вяла стрым 14 ліпеня з масавых пратэстаў супраць нерэгістрацыі кандыдатамі ў прэзідэнты Віктара Бабарыкі ды Валеры Цапкалы.

СК распачаў крымінальную справу па факце парушэння грамадскага парадку

АМАП гвалтам затрымаў журналістку і закінуў у мікрааўтобус. Праз некалькі гадзін яе вызвалілі.

15 ліпеня стала вядома, што СК распачаў крымінальную справу паводле арт. 342 КК за пратэсты напярэдадні ўвечары. Затрыманыя чатыры чалавекі.

За сутычкі з АМАПам затрымалі чатырох чалавек

МГ belsat.eu

Hавiны