Журналістку TUT.BY Кацярыну Барысевіч пакінулі ў СІЗА. Яна адна выхоўвае дачку


Катерина Борисевич Фото: Ольга Шукайло, TUT.BY

Суд не стаў мяняць меру стрымання на больш мяккую, паведамляе TUT.BY.

9 снежня суд Цэнтральнага раёну разгледзеў скаргу абаронцы Кацярыны Барысевіч на заключэнне яе пад варту. Журналісту і доктару, якія праходзяць абвінавачанымі па справе аб разгалашэнні медыцынскай таямніцы, абралі самую строгую меру стрымання, нягледзячы на тое што ў іх ёсць непаўналетнія дзеці, Кацярына адна выхоўвае дачку. Суддзя Таццяна Акавітая вырашыла пакінуць скаргу без задавальнення. Такім чынам, Кацярына застаецца ў СІЗА.

Дакладны тэрмін абранай меры невядомы, паколькі з адвакатаў узялі падпіску пра неразгалошванне. Зыходзячы з практыкі, гаворка можа ісці пра два месяцы, то бок да 19 студзеня 2021 года.

Разгляд скаргі праходзіў у закрытым рэжыме. Саму Кацярыну ў суд не даставілі, і на абвяшчэнне нават не падключылі яе па скайпе. Абарона прасіла абраць у дачыненні да Кацярыны Барысевіч меру, не звязаную з заключэннем пад варту.

Hавiны
Блізкі сябар Рамана Бандарэнкі: Ён хацеў пачаць жыццё з чыстага аркуша
2020.11.24 17:34

Гендырэктар «ТУТ БАЙ МЕДЫА» Людміла Чэкіна і вядомы адвакат Зміцер Гарачка накіравалі ў суд хадайніцтва, што гатовыя даць асабістую паруку, што Барысевіч, знаходзячыся на волі, не будзе перашкаджаць следству. Аднак суддзя пакінула скаргу без задавальнення.

Нагадаем, Генеральная пракуратура распачала крымінальную справу па ч. 3 арт. 178 КК (разгалашэнне медычнай таямніцы, якое пацягнула цяжкія наступствы). Cанкцыя артыкула прадугледжвае да 3 гадоў пазбаўлення волі са штрафам і з пазбаўленнем права займаць пэўныя пасады або займацца пэўнай дзейнасцю або без пазбаўлення права на працу і прафесію. Следства вядуць супрацоўнікі пракуратуры.

Абвінавачванне прад’яўлена журналісту Кацярыне Барысевіч, якая рыхтавала артыкул аб Рамане Бандарэнка, і доктару Арцёму Сарокіну, які аказваў яму медыцынскую дапамогу.

Раскрыццё ўрачэбнай таямніцы крымінальным законам аднесена да катэгорыі менш цяжкіх злачынстваў, пры гэтым да фігурантаў абраная самая строгая мера стрымання – заключэнне пад варту.

Ні Сарокін, ні Барысевіч раней не прыцягваліся да крымінальнай адказнасці, зʼяўляюцца грамадзянамі Беларусі, маюць пастаяннае месца жыхарства ў краіне, працу, станоўчую характарыстыку з месца працы. У Арцёма Сарокіна трое дзяцей, Кацярына Барысевіч адна выхоўвае непаўнагадовую дачку – усё гэта вядома следству, цяпер і суду, аднак мера стрымання застаецца максімальна строгай.

Генеральная пракуратура распачала крымінальную справу па ч. 3 арт. 178 КК – раскрыццё ўрачэбнай таямніцы, якое пацягнула цяжкія наступствы.

Беларускія і міжнародныя праваабаронцы прызналі Арцёма Сарокіна і Кацярыну Барысевіч палітвязнямі, а справа супраць іх – палітычна матываваным.

Крымінальнай справы па факту смерці Рамана Бандарэнкі дагэтуль няма.

belsat.eu

Стужка навінаў