Супраць журналіста Чудзянцова распачалі справу за сексуальны гвалт над непаўналетнімі

Супраць журналіста Уладзіміра Чудзянцова распачатая крымінальная справа паводле ч. 2 арт. 167 КК – яго вінавацяць у «гвалтоўных дзеяннях сексуальнага характару ў дачыненні заведама непаўналетняга». Пра гэта афіцыйна паведамляе Следчы камітэт.

Цяпер СК праводзіць усе неабходныя следчыя і працэсуальныя дзеянні.

Праваахоўнікі правяраюць матыў, па якім Чудзянцоў у 2006 годзе ўладкаваўся качагарам кацельні ў адзін з менскіх інтэрнатаў для дзяцей з асаблівасцямі развіцця. Таксама правяраюцца факты пошуку Чудзянцовым непаўналетніх праз сацсеткі і сайты знаёмстваў.

На дадзены момант Чудзянцоў знаходзіцца ў СІЗА Берасця па іншым абвінавачванні – захоўванне і перавозка наркатычных сродкаў (ч. 1 арт 328 КК і ч. 1 арт. 328-1 КК). Ён быў затрыманы 21 лістапада пры перасячэнні беларуска-польскай мяжы. У рэчах журналіста знайшлі 0, 87 грамаў марыхуаны, а ў ягонай менскай кватэры – яшчэ 6, 02 грамы.

https://belsat.eu/news/zhurnalista-uladzimira-chudzyantsova-padazrayuts-u-kantrabandze-maryhuany-yago-aryshtavali/

Неўзабаве пасля затрымання Чудзянцова ў выданні «Наша Ніва» было апублікаванае інтэрв’ю, у якім хлопец Максім распавядаў пра згвалтаванне, нібыта здзейсненае Чудзянцовым у 2005 годзе.

https://belsat.eu/news/sledchyya-pravyarayuts-publikatsyyu-u-yakoj-vyadzetstsa-shto-chudzyantsou-zgvaltsiu-padletka/

Пасля гэтага, 9 снежня, следчыя пачалі ў дачыненні да Чудзянцова праверку паводле арт. 167 КК.

КА belsat.eu

Hавiны