Жэнеўскі аўтасалон адмянілі праз каронавірус

Міністр аховы здароўя Швейцарыі заявіў аб адмене ўсіх масавых імпрэзаў і падзеяў, якія прадугледжваюць удзел больш за адну тысячу чалавек. Вінаваты – каронавірус.

Забарона на правядзенне масавых мерапрыемстваў у Швейцарыі будзе дзейнічаць прынамсі да 15 сакавіка.

Арганізатары міжнароднага жэнеўскага аўтасалону, які павінен быў распачацца 3 сакавіка, пацвердзілі, што сёлета гэтая падзея ўвогуле не адбудзецца.

«Гэта форс-мажор. Мерапрыемства нельга перанесці на больш позні тэрмін. Гэта проста немагчыма праз яго маштаб», – заявілі арганізатары выставы.

На дадзены момант вядома пра 9 зарэгістраваных выпадкаў заражэння каронавірусам у Швейцарыі.

Праз успышку каронавіруса авіякампанія «Wizz Air» скасавала частку рэйсаў у Італію, дзе зарэгістравана некалькі сотняў выпадкаў заражэння «кітайскім вірусам».

БНТУ пераводзяць на індывідуальнае навучанне. У студэнта гэтай ВНУ выявілі каронавірус. ВІДЭА

12 лютага стала вядома аб адмене ў Барсэлоне «Mobile World Congress» – аднаго самых маштабных у свеце івэнтаў вытворцаў мабільных тэлефонаў.

У Кітаі праз каронавірус арганізатары адмянілі буйны Пекінскі аўтасалон, які меўся адбыцца ў красавіку.

Польшча рыхтуецца да вайны з каронавірусам. Што рабіць, каб не падхапіць заразу?

ЮВ belsat.eu

Hавiны