Жаўнер карэйскай народнай арміі перасек перацягнутую калючым дротам і напханую мінамі тэрыторыю ў чацвер раніцай.
Жаўнеру ўдалося збегчы ў Паўднёвую Карэю праз дэмілітарызаваную зону, якую пільна сцерагуць з абодвух бакоў. Reuters падае, што цяпер перабежчыка дапытваюць.
Уцёкі жаўнера адбыліся на фоне напружанасці паміж двума краінамі ў сувязі з ядравымі выпрабаваннямі, якія здзяйсняе КНДР.
У сярэднім штогод з Паўночнай у Паўднёвую Карэю ўцякае тысяча чалавек, але робяць яны гэта праз тэрыторыю Кітая. Дэмілітарызаваная зона паміж дзвюма краінамі ўмацаваная мінамі і калючым дротам, а таксама ахоўваецца дзясяткамі тысячаў жаўнераў у абодвух бакоў, таму прайсці яе ўдаецца рэдка каму.
Падобныя ўцёкі паўночнакарэйскага жаўнера на Поўдзень апошні раз адбыліся ў чэрвені 2015-га.
ДД, belsat.eu