Жыхарка Вялікай Брытаніі вырашыла пажартаваць над сваім мужам, і паведаміла, што нібыта выйграла ў латарэю. А праз тры тыдні сапраўды стала ўладальніцай вялізнай сумы грошай.
Яшчэ ў жніўні 28-гадовая Шарлот Пэрт з гораду Уіттлсі, графства Кэмбрыджшыр распавяла свайму мужу, што нібыта выйграла ў латарэю 250 тысячаў фунтаў стэрлінгаў. Насамрэч гэта быў жарт, піша The Guardian. Але раптам праз тры тыдні жанчыне сапраўды пашанцавала і яна выйграла мільён фунтаў. Вось толькі гэтым разам муж катэгарычна адмаўляўся паверыць словам сужонкі.
Мы часта жартуем адзін над адным, – распавёў для выдання муж Шарлот. Калі яна мне казала пра чарговую ўдачу ў латарэю, проста не паверыў і адклаў слухаўку.
Але скрыншот пра выйгрыш, які ён атрымаў пазней, пераканаў мужчыну, што гэта праўда.
Сям’я плануе за атрыманыя ад выйгрышу грошы набыць вялікі дом з асобнымі пакоямі для дзяцей.
СК, belsat.eu