Жахлівае ДТЗ у Полацкім раёне: загінулі чатыры чалавекі

Фота

У Полацкім раёне ў выніку лабавога сутыкнення двух легкавых аўтамабіляў чатыры чалавекі загінулі, яшчэ двое знаходзяцца ў шпіталі. Пра гэта паведамілі ў ДАІ УУС Віцебскага аблвыканкаму.

Аварыя адбылася 26 чэрвеня прыблізна ў 19.00 на 47-м кіламетры дарогі Р46 Лепель-Полацк каля вёскі Гомель. 37-гадовы кіроўца «Audi 80» пры абгоне выехаў на паласу сустрэчнага руху, дзе сутыкнуўся з аўтамабілем «Mazda 323», якім кіраваў 25-гадовы жыхар Наваполацку.

У выніку ДТЗ два пасажыры «Audi» (45-гадоваа жанчына і 40-гадовы мужчына) памерлі на месцы. Кіроўца «Audi» і 12-гадовае дзіця, які ў момант аварыі знаходзіўся ў «Mazda», памерлі ў шпіталі. Кіроўца і 33-гадоваа пасажырка «Mazda 323» знаходзяцца пад наглядам медыкаў.

На месцы ДТЗ. Крыніца – t.me/skgovby
На месцы ДТЗ. Крыніца – t.me/skgovby
На месцы ДТЗ. Крыніца – vitebsk.mvd.gov.by

Следчы камітэт распачаў справу па ч.3 арт.317 (парушэнне правілаў дарожнага руху або эксплуатацыі транспартных сродкаў, што пацягнула па неасцярожнасці смерць двух або больш асобаў) Крымінальнага кодэкса.

ІІ belsat.eu

Глядзі таксама
Каментары