Прэсавы сакратар «Асацыяцыі народнага супраціву» Мікіта Зайцаў, затрыманы на акцыі пратэсту 27 ліпеня, ускрыў вены ў аддзеле паліцыі. Пра гэта паведамляе «ОВД-Инфо» са спасылкай на лекараў.
Цяпер Зайцаў перабывае ў НДІ хуткай дапамогі імя Скліфасоўскага.
Выданне выказала меркаванне, што яго адправілі ў аддзяленне крызісных станаў і псіхасаматычных разладаў, бо дактары палічылі, што ён спрабаваў здзейсніць суіцыд.
У размове з «МБХ медыя» лекары распавялі, што актывіст перабывае цяпер «у сёмым закрытым корпусе», але адмовіліся назваць дыягназ.
27 ліпеня ў цэнтры Масквы прайшла акцыя пратэсту за допуск незалежных кандыдатаў на выбары ў Масгардуму. Пры разгоне пратэстоўцаў сілавікі ўжылі дручкі і электрашокеры і затрымалі 1373 чалавека.
ДД belsat.eu
