Адразу пасля заканчэння маршу недармаедаў у Слоніме затрымалі арганізатара акцыі Віктара Марчыка, паведамілі нашыя карэспандэнты.
Напрыканцы акцыі ён абяцаў заўтра занесці прынятую рэзалюцыю ў райвыканкам, а таксама выказаў задавальненне колькасцю людзей, якія прыйшлі на сустрэчу.
Сведка затрымання, грамадскі актывіст Алесь Масюк, паведаміў, што невядомыя хлопцы ў цывільным ішлі за імі па вуліцы 17 верасня ў Слоніме. Потым да іх наблізіўся сіні бус без нумароў, Марчыка схапілі і кінулі ў аўта.
Заўтра ў яго адбудзецца суд.
У Слонімскім РАУС нам адмовілі ў каментары наконт затрымання. Памочнік дзяжурнага і дзяжурны РАУС паведамілі, што «не могуць даваць такую інфармацыю па тэлефоне».
#дармаеды в #Слониме сотрудниками милиции был задержан общественный активист Виктор Марчик.Хотя градоначальник давал гарантии безопасности pic.twitter.com/i1GWZdgC6a
— Litvino-Ватоўкі (@LitVata) March 19, 2017
Twitter : «Супрацоўнікамі міліцыі быў затрыманы грамадскі актывіст Віктар Марчык. Хоць граданачальнік даваў гарантыі бяспекі».
Глядзіце таксама:
ВЧ, belsat.eu
