Затрыманні на плошчы Незалежнасці і Алексіевіч у СК. Галоўнае за 18-ы дзень пратэстаў

Менск, 26 жніўня 2020 г.

Фота: Света Фар / Belsat.eu

• На плошчы Незалежнасці ў цэнтры Менску затрымалі актывістаў, таксама АМАП блакаваў частку людзей у Чырвоным касцёле. Паводле Праваабарончага цэнтру «Вясна», вечарам 26 жніўня на плошчы Незалежнасці ў Менску АМАП затрымаў мінімум 5 пратэстоўцаў.

Святлана Алексіевіч ідзе да будынку Следчага камітэту на допыт па справе стварэння Каардынацыйнае рады па перадачы ўлады. 26 жніўня 2020 года.

Фота: Света Фар / Belsat.eu

• Святлана Алексіевіч прыйшла на допыт у Следчы камітэт, яна застаецца ў статусе сведкі ў справе Каардынацыйнае рады. На заўтра ў Следчы камітэт выкліканая Марыя Калеснікава.
• У Менску ў доме, дзе раней жылі Валер і Вераніка Цапкалы, адбыўся ператрус
• Камітэт дзяржаўнага кантролю і падаткавая прыйшлі з правяраннямі ў ЗАТ «БелКП-ПРЕСС», якое выдае «Камсамольскую праўду ў Беларусі»

Менск, 26 жніўня 2020 г.

Фота: Света Фар / Belsat.eu

• На асобных участках у Менску выбарцы распачалі працэдуру адклікання дэпутатаў Палаты прадстаўнікоў

Працоўныя ААТ «Горадня Азот» страйкуюць на прадпрыемстве. Прамаўляе Юры Рававы. Горадня, Беларусь. 19 жніўня, 2020 г.

Фота: Васіль Малчанаў / Belsat.eu

• Лідар стачкаму «Горадня Азоту» Юры Рававы з’ехаў у Польшчу
• Увечары ў Менску зноўку былі праблемы з Інтэрнэтам. Мабільны аператар А1 пацвярджае, што хуткасць інтэрнэту запавольваецца на патрабаванне дзяржаўных інстытутаў

Менск, 26 жніўня 2020 г.

Фота: Света Фар / Belsat.eu

• Курс долара да беларускага рубля працягнуў расці, сярэдні курс на продаж у Менску склаў 2,72 рублі за 1 долар

belsat.eu