Дзяржаўны сакратар Рады бяспекі Станіслаў Зась, прадстаўляючы 13 чэрвеня калектыву МУС новага кіраўніка Юрыя Караева, заявіў, што ў адстаўцы Ігара Шуневіча няма ніякіх палітычных падстаў.
«Прычыны гэтага рашэння былі выпакутаваны самім Ігарам Анатолевічам, які распавёў пра гэта публічна, дастаткова сумленна і адкрыта. Таму няма неабходнасці нешта каментаваць і тлумачыць.
Гэта нармальны жыццёвы працэс. Жыццё ідзе – нехта сыходзіць з калектыву, новыя людзі прыходзяць. Больш за тое, ніякага падтэксту, ніякіх іншых падстаў – палітычных, непалітычных – нічога гэтага не было», – цытуе Зася БелТА.
Паводле словаў Зася, Шуневічу «дасталася самае складанае і вялікае сілавое ведамства краіны, і ён годна дастойна вытрымаў гэтую цяжкую ношу».
Планы на будучыню Шуневіч пакуль не агучваў, заявіў толькі:
«Што да мяне, то, безумоўна, я сядзець склаўшы рукі не буду»
Нагадаем, 10 чэрвеня Шуневіч падаў у адстаўку пасля больш чым сямі гадоў кіраўніцтва МУС. На ягонае месца прызначаны былы намеснік міністра, камандзір унураных войскаў Юрый Караеў.
КА belsat.eu