11-класнікі адной са школаў расейскага Уладзівастоку 22 траўня ў дзень гэтак званага самакіравання прыйшлі ў навучальную ўстанову ў БДСМ-строях. Пра гэта паведамляе «Восток-Медиа».
Перад апошнім званком хлопцы апрануліся ў кароткія шорты і маскі зайчыкаў, заклеіўшы саскі чорным скотчам, а дзяўчаты – у паліцэйскіх.
Пасля інцыдэнту дырэктарка школы №74 Галіна Пугіна напісала заяву на звальненне.
«Рукі апускаюцца пасля гэтых падзей, гэта вельмі цяжка. Усё свята быў цалкам пад кантролем, а тое, што адбылося на ганку, доўжылася максімум дзве хвіліны», – паведаміла яна.
Скандальная вечарына стала нагодай для дзвюх праверак. У адукацыйным установе працуюць прадстаўнікі ўпраўлення адукацыі мэрыі і супрацоўнікі МУС, паведамляе PrimaMedia.
У гарадскім упраўленні МУС адзначаюць, што выявілі ўсіх удзельнікаў інцыдэнту, а таксама іх бацькоў.
«Форму супрацоўнікаў праваахоўных органаў школьнікі купілі ў краме спецадзення адмыслова для правядзення мерапрыемства», – заявілі ў ведамстве.
У МУС адзначаюць, што за незаконнае нашэнне форменнага адзення са знакамі адрознення, з сімволікай праваахоўных органаў прадугледжаны штраф.
МГ belsat.eu
