Заходні свет адзначае Раство Хрыстова


Каталікі, пратэстанты і паслядоўнікі некаторых праваслаўных цэркваў па ўсім свеце ў ноч на 25 снежня адзначаюць Раство Хрыстова.

Напярэдадні гэтага свята Тысячы хрысціянскіх паломнікаў з розных куткоў свету сабраліся на калядную куццю ў горадзе Віфлеем на Заходнім беразе ракі Ярдан, дзе, паводле падання, нарадзіўся Ісус Хрыстос. Пад гром барабанаў і спеў дудаў традыцыйным Калядным парадам прайшлі аркестры і музычныя ансамблі скаўтаў і вучняў двух дзясяткаў хрысціянскіх палестынскіх школ, паведамляе ТАСС.

Цэнтральнае месца на галоўнай плошчы Віфлеема займае 16-метровая ялінка і калядная батлейка з поўнапамернымі выявамі Ісуса, Панны Марыі, Іосіфа, вешчуноў, немаўля Ісуса ў яслях. Ялінка размешчана побач з Базілікай Нараджэння, пабудаванай на месцы, дзе, як мяркуецца, з’явіўся на свет Ісус.

З традыцыйным пасланнем («Гораду і свету») з нагоды каталіцкіх Калядаў 25 снежня на плошчы Святога Пятра ў Ватыкане да вернікаў звернецца Папа Рымскі Францішак.

Упершыню: на Раство «Белсат» працуе для вас з Ватыкану

Еўрапейскія лідары віншуюць усіх з Калядамі і Новым годам

Тым часам шэраг еўрапейскіх лідараў і палітыкаў у напярэдадні Калядаў і Новага года звярнуліся да суграмадзяназ і ўсяго свету з віншаваннямі і пажаданнямі.

Прэмʼер-міністр Гішпаніі Пэдра Санчэс у сваім віншаванні заклікаў дамагчыся «роўнасці, справядлівасці і росквіту» на планеце, а канцлер Аўстрыі Себасцьян Курц пажадаў усім «добрага старту» у Новым годзе, перадае «Інтэрфакс».

Віцэ-прэмʼер Італіі Матэа Сальвініі напісаў у Twitter: «Вялізны пацалунак усім, хто нас любіць, двайны пацалунак тым, хто нас ненавідзіць, і добрага святога Нараджэння ад усяго сэрца кожнаму з вас, хто дазваляе нам адраджаць гэтую выдатную краіну».

Прэмʼер-міністр Вялікабрытаніі Тэрыса Мэй у сваім сёлетнім калядным звароце да ваеннаслужачых пахваліла іх за працу «ад Солсбэры да Сірыі» і падзякавала за «абарону ад расейскага ўварвання».

Міністр замежных спраў Злучанага Каралеўства Джэрэмі Хант размясціў у Twitter відэазварот, у якім падвёў вынікі адыходзячага года і заявіў, што «брытанская дыпламатыя паспяхова рэагуе на ўсе выклікі, якія ўзнікаюць у свеце», адзначыўшы, што наступны год, «безумоўна, прынясе новыя выклікі, звязаныя з Brexit ».

Яго калега з Германіі Хайке Маас таксама апублікаваў відэазварот, у якім пажадала ўсім добра адпачыць на Калядных і Навагодніх вакацыях.

Кіраўнік Беларусі, Аляксандр Лукашэнка павіншаваў вернікам з святам і накіраваўся на сустрэчу з Уладзімірам Пуціным у Маскву.

Фота https://hvylya.net

Галоўная калядная ялінка ЗША тэрмінова адрамантавана

21 снежня невядомы мужчына спрабаваў залезці на галоўную калядную ялінку ЗША і пашкодзіў некаторыя лямпачкі на ёй. Па словах прадстаўнікоў паліцыі, мужчына быў у стане эмацыйнага ўзрушэнні. Пасля таго, як ён злез з дрэва, яго адправілі на псіхіятрычны агляд.

Тым не менш на сродкі ад прыватных ахвяраванняў гірлянды на Нацыянальнай каляднай ялінцы былі адрамантаваныя і доступ да адной з самых папулярных славутасцяў зімовага Вашынгтона быў адчынены, паведамляе CNN.

Рамонт агнёў каляднай ялінкі быў абцяжараны з-за таго, што ў ЗША з-за дэбатаў кангрэса аб бюджэце на наступны фінансавы год была прыпыненая праца некаторых дзяржустановаў, у тым ліку Нацыянальнай паркавай службы, адказнай за сыход за прэзідэнцкім паркам і, у прыватнасці, за гэта дрэва.

Святы Мікалай ляціць па свеце

Тым часам Святы Мікалай з каляднымі падарункамі ў чароўных санках праляцеў практычна па ўсім свеце, перадае ТАСС са спасылкай на Абʼяднанае камандаванне аэракасмічнай абароны Паўночнай Амерыкі (NORAD), якое з году ў год «назірае» за перамяшчэннем зімовага чараўніка.

Святы Мікалай з падарункамі стартуе 24 снежня ў 02:01 па часе Усходняга ўзбярэжжа Канады і ЗША (10:01 менскага часу). Першымі падарункі традыцыйна атрымліваюць дзеці ў Аўстраліі і Новай Зеландыі, затым Святы Мікалай адпраўляецца ў Азію і Расею.

Інфармацыю аб перамяшчэнні Святога Мікалая можна даведацца на адмысловым сайце ў рэжыме онлайн.

25 снежня Нараджэнне Хрыстова святкуюць каталіцкая і пратэстанцкая цэрквы, а таксама звязаныя з імі рэлігійныя кірункі, такія як: лютэранства, англіканская царква і частка пратэстанцкіх канфесіяў. Таксама Каляды ў гэты дзень святкуе частка праваслаўных хрысціянаў, уключаючы Канстанцінопальскую (акрамя Афона), Антыёхійская, Александрыйская, Кіпрская, Балгарская, Румынская, Польская, албанская, Грэцкая цэрквы.

Замест Дзеда Мароза – Калядкі. Як адзначыць святы па-беларуску

СК, belsat.eu, паводле newsru.com

Глядзі таксама
Каментары