Фізічны пуск першага энергаблоку Беларускай АЭС прызначаны на люты 2019 года. Пра гэта паведаміў намеснік міністра энергетыкі Міхаіл Міхадзюк.
Паводле Міхадзюка, фізічны пуск – адна з самых важных аперацый, падчас якой правядуць загрузку ядравага паліва ды пачнуцца выпрабаванні. Увядзенне ў эксплуатацыю першага энергаблоку запланаванае на снежань 2019-га.
Першая пастаўка ядравага паліва ў Астравецкі раён чакаецца ў лістападзе 2018 года. Запуск другога энергаблоку Беларускай АЭС мусіць адбыцца ў ліпені 2020 году. У сакавіку сёлета у Беларусь прыедуць еўрапейскія эксперты ў межах партнёрскай праверкі вынікаў стрэс-тэстаў атамнай станцыі.
- Ад пажару да тэракту. Чаго не вытрымае БелАЭС?
- Дарадца прэзідэнта Літвы: Еўразвяз накіраваў Менску выразны сігнал па БелАЭС
Літва плануе блакаваць імпарт электраэнергіі з Астравецкай станцыі і мае намер дамовіцца з Эстоніяй, Латвіяй і Польшчай аб адзіных прынцыпах паставак электраэнергіі з трэціх краінаў.
Беларуская атамная станцыя пачне працаваць на поўную магутнасць у 2020 годзе.
Падчас будаўніцтва БелАЭС здаралася некалькі інцыдэнтаў: загінулі двое працаўнікоў, падчас транспартавання былі пашкоджаныя корпусы рэактару.
ДР belsat.eu
