Скандал з руйнаваннем крыжоў у Курапатах трапіў у навінныя стужкі сусветных медыяў. СМІ пішуць пра затрыманні і паваленыя экскаватарам крыжы. «Добраўпарадкаванне» ўрочышча выйшла бокам для іміджу ўладаў Беларусі.
4 красавіка раніцай ва ўрочышчы Курапаты па загадзе ўладаў камунальнікі дэмантавалі 70 драўляных крыжоў, якія раней актывісты ўсталявалі на знак памяці ахвяраў сталінскіх расстрэлаў. Крыжы вырвалі з зямлі, паламалі, пагрузілі на трактары з нумарам, заматаным анучай. Афіцыйна гэта назвалі «добраўпарадкаваннем» урочышча.
ЮВ belsat.eu