Справа пра забойства супрацоўніка ДАІ ў Магілёве працягваецца, паведаміла афіцыйны прадстаўнік Следчага камітэту Юлія Ганчарова. Паводле mogilev.online падазраваныя да гэтага часу не ўстаноўленыя.
Цела 22-гадовага інспектара ДАІ з прыкметамі гвалтоўнай смерці было знойдзена ў лесе Магілёўскага раёну вечарам 16 траўня. Пасля здарэння ў СМІ з’явілася інфармацыя, што незадоўга да гібелі лейтэнант накіраваўся на афармленне дарожна-транспартнага здарэння. Неўзабаве з яго нумара паступіла паведамленне калегам на Viber «Тэрмінова. Чорная «Волга». Тры цыганы. Рэгістрацыйны знак – расейскі».
«Падазраваныя не ўстаноўлены, следчая група працягвае працу па крымінальнай справе», – удакладніла Юлія Ганчарова.
У Следчым камітэце распавялі, што разглядаюць розныя версіі. У тым ліку і пра выкраданне міліцыянта на аўтамабілі чорнага колеру.
«Аднак, зыходзячы з атрыманых падчас расследавання звестак, яна не зʼяўляецца прыярытэтнымі», – адзначылі ў ведамстве.
Падчас расследавання следчым паступіла інфармацыя, што каля шасці вечара, супрацоўнік міліцыі знаходзіўся ў Магілёве, непадалёк ад чыгуначнага пераезду ў раёне вуліцаў Вакзальнай і Першамайскай, насупраць будынку Аблспажыўсаюзу, дзе сеў у неўсталяваны аўтамабіль. Праз некаторы час малады чалавек быў знойдзены загінулым. Працягваецца пошук відавочцаў.
Заведзеная крымінальная справа паводле артыкулу 362 Крымінальнага кодэкса («Забойства супрацоўніка органаў унутраных справаў пры выкананні ім абавязкаў па ахове грамадскага парадку»). Дапытаныя сваякі, знаёмыя загінулага і іншыя сведкі. Канфіскаваныя рэчавыя доказы – асабістыя рэчы, дакументы, мабільны тэлефон, табельная зброя забітага.
СК belsat.eu
