Следчы камітэт завяршыў расследаванне крымінальнай справы аб жорсткім абыходжанні з жывёлінамі. Справу перадалі пракурору для накіравання ў суд.
Паводле СК, 28-гадовы жыхар Мазыра ў ліпені і жніўні 2018 гады знаходзіў абʼявы аб бясплатнай перадачы кацянят у добрыя рукі, забіраў іх у сваю кватэру, дзе катаваў іх, пакуль яны не паміралі. Усё гэта ён здымаў на фота і відэа. Выяўлена 10 фактаў здзекаў над кацянятамі.
На канфіскаваных прадметах у кватэры падазраванага і ў шчыліне ў падлозе знаходзілася каціная кроў.
Абвінавачаны быў затрыманы ў Расеі і экстрадаваны ў Беларусь. Згодна з заключэннем судова-псіхіятрычнай экспертызы, мужчына не мог усведамляць фактычны характар і грамадскую небяспеку сваіх дзеянняў і кіраваць імі. Экспертная камісія мяркуе аб неабходнасці яго лячэння ў псіхіятрычным стацыянары.
Дзеянні мазыраніна кваліфікаваныя паводле ч.ч. 1, 2 ст.339-1 КК.
МГ belsat.eu
