Аб’ём валавога ўнутранага прадукта ў Беларусі за студзень – травень 2019 года склаў 49,2 млрд рублёў, або ў супастаўных цэнах 101 % да ўзроўню студзеня – траўня 2018 года. Пра гэта паведамілі ў Нацыянальным статыстычным камітэце.
Такім чынам, за першыя пяць месяцаў прырост ВУП склаў толькі 1 %.
Індэкс-дэфлятар ВУП у студзені – траўні 2019 года адносна аналагічнага перыяду 2018 года склаў 106,2 %.
Урад Беларусі ў мэтавым праекце макрапрагнозу на 2019 год чакае росту ВУП краіны на ўзроўні 4 %, бюджэт краіны сфармаваны зыходзячы з кансерватыўнага сцэнару росту эканомікі на ўзроўні 2,1 %.
Еўрапейскі банк рэканструкцыі і развіцця (ЕБРР) пагоршыў прагноз росту эканомікі Беларусі у бягучым годзе да 2 % з 2,5 %, якія банк прагназаваў у лістападзе летась. У Сусветным банку мяркуюць, што ВУП Беларусі ў 2019 годзе можа вырасці на 2,2 %.
МГ belsat.eu
