З 1 чэрвеня ўладальнікам аўтаў, якія паркуюць свае машыны на газонах, будуць выстаўляць рахунак за сапсаванае добраўпарадкаванне. Пра гэта паведамляе Telegram-канал «Менск. Афіцыйна».
Жыхары сталіцы раней абураліся тым, што некаторыя кіроўцы аўтамабіляў парушаюць правілы паркавання і пры гэтым псуюць газоны. У выніку ўлады сталіцы пастанавілі, што парушальнікам будуць выстаўляць рахунак за сапсаванае добраўпарадкаванне.
Цяпер, у выпадку парушэння правілаў паркоўкі, супрацоўнікі ДАІ будуць паведамляць звесткі аўтаўладальнікаў у арганізацыю, газон якой сапсаваны. У сваю чаргу адказныя за газон прадпрыемствы самастойна разлічаць памер нанесенай шкоды. У выпадку, калі кіроўца адмовіцца аплаціць, справу накіруюць у суд.
Акрамя таго, супрацоўнікі ДАІ складуць пратакол за парушэнне правілаў паркавання.
СК belsat.eu