Грошы пойдуць на аплату штрафаў, адвакатаў і дапамогу параненым. Аб гэтым «Белсату» паведаміў Ляксей Лявончык, каардынатар ініцыятывы By_Help.
Менск, Беларусь. 11 жніўня 2020 г.
Фота: Света Фар / Vot-tak.tv / Belsat.eu
Ініцыятыва By_Help усяго за 2 дні сабрала больш за $ 1,3 млн. Краудфандынг ішоў праз Facebook і PayPal. Як паведаміў «Белсату» каардынатар ініцыятывы Ляксей Лявончык, сродкі пойдуць на тры асноўныя кірункі:
- аплату штрафаў
- кампенсацыі параненым падчас дэманстрацыяў
- аплата паслугаў адвакатаў па крымінальных справах
Ляксей папярэджвае, што ініцыятыва By_Help не супрацоўнічае з іншымі фондамі і краудфандынгавымі кампаніямі. Ужо былі заўважаныя некалькі ашуканцаў. Таму варта быць пільнымі і ахвяраваць грошы толькі па гэтай спасылцы.
«Падаецца, што мы сабралі вельмі вялікую суму, але калі і пацярпелых таксама вельмі шмат. Таму пакуль што мы не можам пашыраць поле дзейнасці», – кажа Ляксей Лявончык.
- Краўндфандынг-ініцыятыва By_Help дзеяла ў 2017 годзе – пад час мітынгаў супраць «дармаедскага» дэкрэту, і ў 2019 – пад час мітынгаў супраць інтэграцыі з Расеяй.
- У 2020 годзе збор узнавіўся пасля закрыцця дзяржавай сэрвісу molamola, каб збіраць грошы на аплату штрафаў рэпрэсаваных дзяржаваю іншадумцаў.
КТ belsat.eu
