На борце загадкавага грамадзянскага рэйсу «Nordwind Airlines» не было пасажыраў. «Новая газета» піша, што ён можа вывезці з Венесуэлы 500 чалавек.
28 студзеня а 14-й гадзіне з маскоўскага аэрапорту «Унукава» ў Каракас вылецеў самалёт «Боінг 777». Гэта чартэрны рэйс №9801 кампаніі «Nordwind Airlines». Авіякампанія, якая спецыялізуецца на чартэрных турыстычных маршрутах, раней ніколі не рабіла палётаў у Венесуэлу.
«Самалёт сёння раніцай вярнуўся з Тайланда. У новы рэйс ён адправіўся адразу пасля запраўкі. На борце – два экіпажы. Імаверна, плануецца пералёт без адпачынку ў аэрапорце прыбыцця», – сцвярджае выданне.
Паводле Flightradar24, прыбыццё расейскага «Боінга» у Каракас чакаецца а 20:00 па мясцовым часе. Сачыць за рэйсам можна тут.
Журналістам не ўдалося звязацца з авіякампаніяй.
Расейскім турыстам афіцыйна не рэкамендуюць наведваць Венесуэлу. Групавыя туры ў краіну не прадаюць ужо даўно.
Расейскія дыпламаты нічога не заяўлялі пра планы эвакуяваць з Венесуэлы грамадзянаў Расеі.
Сваймі планамі вывезці з краіны некалькі соцень расейцаў пакуль не дзяліўся і МЗС Расіі.
ДД