Следчы камітэт Расеі спыніў крымінальны пераслед Сяргея Абанічава, Данііла Конана, Валерыя Кастэнкі, Уладзіслава Барабанава, якія з’яўляліся фігурантамі справы аб «масавых беспарадках» у Маскве 27 ліпеня. Пра гэта паведамляецца на сайце ведамства.
«Крымінальны пераслед у дачыненні да названых асобаў спынены, абраныя меры стрымання ў дачыненні да іх адмененыя. Аднак, з улікам таго, што ў дзеяннях названых асобаў ёсць прыкметы адміністрацыйнага правапарушэння, адпаведныя матэрыялы накіраваныя ў органы МУС Расеі», – адзначаецца на сайце СК Расеі.
Пры гэтым следчыя працягваюць расследаванне крымінальнай справы ў дачыненні да шэрагу іншых асобаў, якія прымалі ўдзел у несанкцыянаваных акцыях у расейскай сталіцы.
СК belsat.eu