Затрыманых у нядзелю ў Чорным моры ўкраінскіх маракоў, якіх суд у Сімферопалі арыштаваў на два месяцы, пачалі вывозіць у Маскву.
Пра гэта крымскататарскі актывіст Нарыман Джэлян паведаміў выданню «Крым. Реалии».
Інфармацыю выданню пацвердзілі адвакаты Джэміль Тэмішэў, Эмінем Авамілева і Айдар Азаматаў.
Яны не ўдакладняюць, колькі маракоў вывезлі з тэрыторыі паўвыспы.
Расейскі адвакат Мікалай Полазаў, якія мае намер абараняць капітана другога рангу катэра «Бердзянск», не змог пацвердзіць гэтую інфармацыю і ўдакладняе яе.
Суд Сімферопаля арыштаваў 21 украінскага марака да 25 студзеня 2019 года. Яшчэ траіх маракоў, якія патрапілі ў Керчанскую больніцу, арыштаваў Керчанскі гарадскі суд.
Сёння іх выпісалі і даставілі з Керчы ў Сімферопаль.
Наступныя два месяцы яны таксама будуць знаходзіцца пад арыштам.
Расея вінаваціць украінскіх маракоў у парушэнні дзяржаўнай мяжы, ім пагражае да 6 гадоў пазбаўлення волі.
ДД
