26 кастрычніка з’езд ПЭН-цэнтру аднавіў сяброўства ў пісьменніцкай арганізацыі Сяргея Шапрана, Сямёна Букчына і Паўла Севярынца, якія былі выключаныя раней праз нясплату ўнёскаў. Пра гэта паведамляе радыё «Свабода».
Першымі былі адноўленыя ў сябрах Сяргей Шапран і Сямён Букчын, якія апынуліся ў цяжкім матэрыяльным становішча. Пры гэтым сябра рады арганізацыі Андрэй Хадановіч назваў выключэнне Шапрана сур’ёзнай памылкай.
«Я лічу сваё выключэнне несправядлівым. Каб удзельнічаць у працы з’езду, я ўнёскі сплаціў. Я хачу вярнуцца, каб штосьці мяняць. А мяняць у працы ПЭН-цэнтру ёсць што», – заявіў у сваю чаргу Павел Севярынец.
У выніку з’езд адмяніў рашэнне рады аб яго выключэнні з сябраў ПЭН-цэнтру.
Што датычыць аўтараў, прозвішчы якіх у сваім адкрытым лісце назваў Павел Севярынец, рашэнне пра іх кандыдатуры прыме новая рада. Як заявіла Святлана Алексіевіч, «сяброўства ў ПЭН-цэнтры трэба заслужыць».
МГ belsat.eu
