З брытанскага музею скралі залаты ўнітаз за $ 6 млн


З палацу Бленэйм у англійскай графстве Оксфардшыр скралі залаты ўнітаз. Як паведаміў Press Association галоўны кіраўнік палацу Дамінік Хэр, ягоны кошт складае каля $ 6 млн.

Унітаз з’яўляецца творам італьянскага мастака Маўрыц’ё Катэляна, выстава працаў якога на днях адкрылася ў палацы. Ён быў арандаваны ў музеі Саламона Гугенгайма ў Нью-Ёрку.

Прылада адлітая з 18-каратнага золата. Яе вага – не менш за 100 кг.

Невядомыя выкралі ўнітаз у ноч на 14 верасня.

❗️ INCIDENT ❗️We're investigating a burglary at Blenheim Palace that occurred in the early hours of this morning.A…

Opublikowany przez Thames Valley Police Sobota, 14 września 2019

Сатырычная скульптура пад назвай «Амерыка» была створаная ў 2016 годзе адмыслова для Музею Гугенгайма. Яна ўсталяваная ў адной з прыбіральняў музею. Ля дзвярэй туалету стаяў ахоўнік, а прыбіральнік кожныя 15 хвілін чысціў унітаз.

Выраб мусіць намякаць на празмернасць сучаснага рынку твораў мастацтва, а таксама навяваць думкі пра амерыканскую мару і адкрытыя для кожнага магчымасці.

МГ belsat.eu

Глядзі таксама
Каментары