Сіноптыкі папярэджваюць, што 12 студзеня цягам дня чакаюцца моцныя завеі і мокры снег. Кіроўцам прапаноўваюць устрымацца ад паездак на ўласным аўтатранспарце.
«На тэрыторыю краіны прыйдзе магутны цыклон, абвешчана штармавое папярэджанне і аранжавы ўзровень небяспекі. Але параўноўваць яго з «Хаўерам» не варта, яму далёка да «Хаўера» (моцны цыклон, які прыйшоў у Беларусь у 2013-м), – падкрэсліў кіраўнік службы гідраметэаралагічных прагнозаў Рэспубліканскага цэнтру па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.