Міхаіл Гольцаў, консул генеральнага консульства Беларусі ў Беластоку паведаміў, што звольніўся з МЗС. Пра гэта дыпламат напісаў у сваім Facebook.
Міхаіл Гольцаў, консул генеральнага консульства Беларусі ў Беластоку піша, што на працягу амаль дзевяці гадоў ён імкнуўся служыць краіне і людзям.
«Per aspera ad astra: праз гэты прынцып ішлі гады навучання, павышэння ўзроўню кваліфікацыі ды заняткі любімай справай: быць карысным людзям і аказваць ім дапамогу ў цяжкіх жыццёвых сітуацыях. На жаль, гэты этап у выглядзе 8,5 гадоў служэння краіне і людзям завершаны. У сваёй дзейнасці я заўсёды кіраваўся прынцыпамі гуманізму, прафесіяналізму і адданасці справе, і стараўся на карысць усяго грамадства. Я дзякую ўсім, каго ведаю і не ведаю, але каму я змог прынесці карысць і дапамагчы. Самае галоўнае – гэта падзяка чалавечая», – напісаў Міхаіл Гольцаў.
Дыпламат, які ведае тры замежныя мовы цяпер у пошуках працы і гатовы разгледзець розныя вакансіі, у тым ліку ў сферы турызму і гатэльнага бізнесу.
СК belsat.eu