Ярмошына як залатая рыбка. Як выканаць трэцяе жаданне беларусаў?

Аляксандр
Фядута
паліткансультант

У нелегітымнасьці Аляксандра Лукашэнкі няма сумненняў ужо ні ў каго, акрамя спадарыні Качанавай, што зусім заблыталася. Сведчанне гэтай нелегітымнасці – акцыі пратэсту, пашырэнне страйкаў, міліцэйскія генералы і чыноўнікі мясцовага зроўню, якія прыязджаюць і выходзяць у месцы збору людзей.

«Тое, што робяць сілавікі, – гэта генацыд». Менчука абстралялі гумовымі кулямі за сто метраў ад дому

Праблема ў іншым

Што да вынікаў выбараў: іх можна хіба сёння праверыць, пералічыўшы галасы?

У каго-небудзь ёсць сумневы ў тым, што ў тэрытарыяльныя выбарчыя камісіі быў спушчаны «план» – колькі людзей і як павінны прагаласаваць і аддаць голас? Мы можам, напрыклад, даведацца дакладна, як галасавалі тыя, хто прыйшоў на ўчасткі датэрмінова? Бо і сярод іх ёсць тыя, хто не галасаваў за Лукашэнку. Дык якія лічбы тады абвесціць Лідыя Ярмошына 18 жніўня?

Фальсіфікаваныя. Іншых у яе няма. І быць не можа. І пералік бюлетэняў нічога не дасць: арганізатары фальсіфікацый ўжо замянілі ўсё, што маглі. Сапраўдныя бюлетэні, хутчэй за ўсё, знішчаны. Як дамагчыся праўды?

Святлана Ціханоўская звярнулася да беларусаў

Канстытуцыя і заканадаўства прадугледжвае дзве магчымасці. Пазачарговыя – і паўторныя выбары. Дату пазачарговых выбараў можна назваць толькі пасля таго, як утварылася вакансія прэзідэнта; робіць гэта беларускі парламент. Вы давяраеце беларускаму парламенту, які маўчаў тры дні, а на чацвёрты дзень нарадзіў дзве заявы, дэ факта абвінаваціў пратэстоўцаў у нагнятанні абстаноўкі? Я не давяраю. І вам не раю. Бо сярод гэтай дэпутацкай біямасы не знайшлося нават аднаго прыстойнага чалавека, які адважыўся падтрымаць сваіх, так бы мовіць, выбаршчыкаў.

А вось з паўторнымі выбарамі ўсё куды цікавей. Для іх правядзення дастаткова рашэння Цэнтральнай выбарчай камісіі. І падстава ёсць: у сувязі з грубымі парушэннямі пры падліку галасоў (у вас ёсць сумневы ў тым, што яны былі?) і немагчымасцю вызначыць праўдзівы вынік. Гэта – як раз тая сітуацыя, з якой мы сутыкнуліся.

І гэта – сапраўднае выкананне трэцяга жадання пратэстоўцаў. Таму што два першыя – спыненне гвалту на вуліцах і вызваленне ўсіх палітвязняў – я раіў бы ўладзе (таму, што засталося ад гэтай структуры, якая валяецца ў крывавай гразі) выканаць неадкладна. Бо далей зацягваць – гэта ўжо не пятля на шыі прэзідэнта, гэта проста кайданкі на руках некаторых генералаў, якія не здолелі своечасова зарыентавацца.

https://belsat.eu/ru/news/v-belarusi-prodolzhayutsya-zabastovki-rabochih-obnovlyaetsya/?btid=d5b539c6770e46a30bce2cff66194ba8

Трэцяе жаданне

Выконваючы яго, паводле закону, для правядзення паўторных выбараў неабходна зноўку сфармаваць тэрытарыяльныя і ўчастковыя камісіі. Як вы думаеце, ці будуць на гэтым разам у іх уключаныя прадстаўнікі апазіцыі ці не? Неабходна зноўку падрыхтаваць усю нарматыўную базу (усе метадычкі ЦВК і інш.). Як вам здаецца, назіральнікам гэтым разам дазволяць прысутнічаць на ўчастках і патрабаваць пераліку галасоў? Ці будуць своечасова даваць копіі пратаколаў? Ці будуць выклікаць міліцыю на ўчастак па кожным чыху? Калі цэнтральная ўлада не прыйшла ў прытомнасць, то мясцовай хапіла. І цяпер гэтыя хлопцы сапраўды не пойдуць на фальсіфікацыі. У іх дырэктараў школ на гэта не хопіць.

І – самае цікавае. Гэта два кадравых пытанні. Першы – вылучэнне кандыдатам у прэзыдэнты грамадзяніна Лукашэнкі А.Р. Вы думаеце, ён зможа сабраць сто тысяч подпісаў пад сваё вылучэнне? Я ўпэўнены, што не збярэ.

Медыкі ў белым і жанчыны ў чорным. Шосты дзень пратэстаў. ОНЛАЙН

І другое пытанне. У нас ёсць канчатковы бенефіцыяры гэтага працэсу. Працэсу сумленных паўторных выбараў. Так. Не смейцеся. Я аб ёй. Аб галоўнай баршчаварцы краіны. Яна ж не дурніца, Лідыя Ярмошына. Далёка не дурніца. Адзіная гарантыя яе бяспекі (ну, каб паспець сабраць рэчы і з’ехаць да сябровак у Кёнігсберг) – прызначыць паўторныя выбары і правесці іх бездакорна. І ўручыць новаабранаму кіраўніку дзяржавы пасведчанне – каб ужо ніякіх прававых сумненняў у яго легітымнасці.

Мне здаецца, гэта было б правільна.

Хаця. Можа быць, і так: яна падвядзе вынікі галасавання, назаве прозвішча пераможцы і ляжа на бальнічны. А пакуль будзе ісці інаўгурацыя, мірна перабярэцца ў Кёнігсберг.

Гэта ўсіх нас – і яе – таксама б задаволіла. Не хочацца суду Лінча. Ды і ўзрост у дамы шаноўны, пажыццёвае ёй не дасі.

Увогуле, калі хоць хтосьці ва ўладзе цяміць, ён пойдзе на гэты варыянт. Калі не цяміць – 18 жніўня Лукашэнка абвесціць, што ў яго такі ёсць 51% галасоў. І, баюся, ніхто не будзе адказваць за наступствы.

Схопленых сілавікамі вызваляюць у Жодзіне

Меркаванне аўтараў можа не супадаць з пазіцыяй рэдакцыі.

Больш матэрыялаў