Расейская кампанія «Яндэкс» публічна пракаментавала інфармацыю пра тое, што ФСБ патрабуе ад яе прадставіць ключы шыфравання дадзеных карыстальнікаў.
«У законе гаворыцца аб прадстаўленні інфармацыі, «неабходнай для дэкадавання паведамленняў», з яго не вынікае патрабаванне аб перадачы ключоў, якія неабходныя для расшыфроўкі ўсяго трафіку. Мэта закона – захаванне інтарэсаў бяспекі, і мы цалкам падзяляем важнасць гэтай мэты«, – цытуе Meduza заяву прэс-службы «Яндэкса».
Пры гэтым у кампаніі адзначаюць, што выкананне закона магчыма без парушэння прыватнасці дадзеных карыстальнікаў.
«Мы лічым важным выконваць баланс паміж бяспекай і прыватнасцю карыстальнікаў, а таксама ўлічваць прынцыпы роўнага прымянення рэгулявання для ўсіх удзельнікаў рынка».
3 чэрвеня РБК са спасылкай на крыніцы паведаміла, што «Яндэкс» ужо некалькі месяцаў не выдае па патрабаванні ФСБ ключы шыфравання да дадзеных карыстальнікаў сэрвісаў «Яндэкс.Пошта» і «Яндэкс.Дыск».
За аналагічны адмову ў Расеі быў аштрафаваны, а затым унесены ў рэестр забароненых рэсурсаў мэсэнджар Telegram.
КА belsat.eu
