На Партале сацыяльнай абароны з«явіўся «Пенсійны калькулятар», які дае магчымасць разлічыць прыблізны памер пенсіі, на якую зможа разлічваць грамадзянін Беларусі.
«Памер пенсіі вылічваецца ўмоўна, згодна з вашым полам, стажам, індывідуальным каэфіцыенце заробку і наяўнасці пастаяннай працы на момант атрымання пенсіі», – адзначае сэрвіс.
Для неспецыялістаў найбольш праблемным пунктам будзе індывідуальны каэфіцыент заробку: без дапамогі спецыялістаў разлічыць яго будзе складана, адзначае dev.by.
У выпадку з ІТ-адмыслоўцамі каэфіцыент, які разлічваецца зыходзячы з суадносінамі заробку (перад вылікам падатку) да сярэдняга заробку па краіне (штомесяц, за апошнія 24 гады перад пенсіяй), будзе вельмі вялікім.
Але і гэта не гарантуе годнай пенсіі: нават з улікам таго, што сярэдні заробак у ІТ вышэйшы за сярэдні па краіне ў 4 разы, пенсія, якую вылічылі такім простым спосабам (пры ўмоўным стажы працы ў 35 гадоў), складзе Br 448.
Гэтак, тыя, каму не хапае працоўнага стажу, змогуць спадзявацца на сацыяльную пенсію – максімум Br 103 (у 2018-м жанчыны – ад 56 гадоў, мужчыны – ад 61-го).
ДД