У Беларусі ўпершыню грамадзяне маглі паглядзець два навагоднія віншаванні: Ціханоўскай і Лукашэнкі. Звароты былі вельмі розныя. Інтэрнаўты ў сацсетках адрэагавалі на гэта.
Большасць карыстальнікаў інтэрнэту ў навагоднюю ноч глядзелі выступ Святланы Ціханоўскай. Агулам колькасць праглядаў ейнага выступу ў YouTube перавышае колькасць праглядаў Лукашэнкі. На канале Святланы Ціханоўскай у YouTube ейны выступ праглядзелі 232 тысячы карыстальнікаў, на «Белсаце» – 205 тысяч праглядаў. Амаль 384 тысячы праглядаў сабраў стрым Сцяпана Пуцілы, у якім таксама трансляваўся выступ Святланы Ціханоўскай. Выступ Лукашэнкі транслявалі ОНТ (205 тысяч праглядаў), СТВ (54 тысячы), АТН (20 тысячаў).
Іншыя карыстальнікі напісалі, што выключылі гук падчас прамовы Лукашэнкі на тэлебачанні і глядзелі выступ Ціханоўскай на тэлефоне.
А некаторыя забыліся ўключыць гук і ледзь не спазніліся з сустрэчаю Новага года.
А вось у менскіх дварах людзі супольна глядзелі выступ Святланы Ціханоўскай.
СК belsat.eu
