Нягледзячы на папулярнасць веласпорту, колькасць крадзяжоў з кожным годам зніжаецца, цвердзяць праваахоўнікі. Мы раім захоўваць чуйнасць і прытрымлівацца правілаў бяспекі, якія дапамогуць уратаваць вашага жалезнага каня ад злодзеяў.
Як абараніць свой ровар?
– карыстайцеся толькі U-падобным замком, распілаваць які вельмі няпроста;
– ровар няварта пакідаць у падʼездах ці ў агульным тамбуры;
– ровар найлепш пакідаць на велапаркоўках гэтак, каб яны траплялі ў камеры відэаназірання;
– можна прыхапіць з сабою якую-небудзь дэталь ад ровара – на ім нельга будзе зʼехаць, а валачы на сабе блізу 20 кг – знойдзецца няшмат ахвотных;
– неахайная рэч менш прыцягвае ўвагу злачынцаў, таму найлепш не мыць ровара.