Пра гэта паведаміў 22 жніўня намеснік міністра энергетыкі Беларусі Міхаіл Міхадзюк, паведамляе БелТА.
«Мяркуем, што ўвосень мы завязем ядравае паліва», – сказаў намеснік міністра.
Чыноўнік таксама адзначыў, што БелАЭС будзе працаваць у складзе беларускай энергасістэмы, а экспартаваць яе электраэнергію плануецца праз ДВА «Белэнерга».
Агулам, паводле яго, сёлета плануецца нарасціць у два разы аб’ём экспарту электраэнергіі ў параўнанні з мінулым годам.
Таксама зараз ідуць перамовы з шэрагам кампаніяў, якія пажадалі купляць у Беларусі электраэнергію.
БелАЭС будуецца ў Астраўцы, прыкладна за 50 км ад Вільні і менш чым за 30 км ад мяжы Літвы. Увод у эксплуатацыю першага рэактара станцыі намечаны на восень гэтага года. Літоўскі ўрад кажа, што пры будаўніцтве БелАЭС не выконваюцца патрабаванні да бяспекі і ахове прыроды. Беларусь такія прэтэнзіі катэгарычна адхіляе.
МГ belsat.eu
