Выходныя ў Беларусі: 161 п'яны кіроўца, 441 ДТЗ, 3 трупы


За гэтыя мінулыя выходныя супрацоўнікі ДАІ затрымалі 161 кіроўцу ў стане алкагольнага ап’янення, злавілі 330 чалавек без правоў. Рэкорды бʼюць тыя, хто перавышае хуткасць – аштрафавана 2254 кіроўцы.

У 19 ДТЗ 21 чалавек атрымаў траўмы рознай ступені цяжкасці, а 3 асобы загінулі.

У суботу пад Бабруйскам легкавушка выехала на паласу сустрэчнага руху і сутыкнулася з цяжкавіком. Кіроўцу легкавушкі шпіталізавалі. Але раніцай у нядзелю ён памёр ад атрыманых траўмаў.

Фота: mvd.gov.by

Прыкладна а 20 гадзіне пад Менскам жанчына трапіла ў ДТЗ на матацыкле. Як паведамляе ДАІ, яна не справілася з кіраваннем і наехала на адбойнік. У выніку жанчыну шпіталізавалі, а яе 15-гадовы сын, які ехаў ззаду, памёр на месцы здарэння.

Фота: mvd.gov.by

У гэты ж час у вёсцы Брожка, што пад Бабруйскам, 17-гадовы кіроўца мапеду таксама не здолеў утрымаць кіраванне, зʼехаў у кювет і ўдарыўся галавой аб слуп ЛЭП. Нягледзячы на тое, што хлопец быў у шаломе, атрыманая траўма была несумяшчальная з жыццём.

ГА, belsat.eu

Стужка навінаў