Магутны выбух выбух прагрымеў у суботу Парыжа. Паводле дадзеных прэфектуры паліцыі, гэта адбылося на вуліцы Трэвіз ў 9-ай акрузе французскай сталіцы.
Выбух адбыўся ў мясцовай булачнай, потым там пачаўся моцны пажар. Загінулі 3 чалавекі – 2 з іх пажарныя, паведамляе Associated Press. Euronews адзначае, што сярод ахвяраў і грамадзянка Гішпаніі, якая памерла ў больніцы, у прыватнасці гэта пацвярджае МЗС Гішпаніі. У ліку параненых, паводле ўдакладненых звестак, 47 асобаў. З іх 10 чалавек знаходзяцца ў крытычным стане, 37 пацярпелых атрымалі менш сур’ёзныя траўмы.
Прычынай выбуху стала ўцечка газу. Паліцыя і пажарныя тэрмінова эвакуююць жыхароў суседніх дамоў, бо магчымыя новыя выбухі газу. У большасці суседніх дамоў цалкам выбітыя вокны.
Як паведаміла амбасада Беларусі ў Францыі, сярод пацярпелых беларускіх грамадзян няма.
Мясцовыя СМІ паведамляюць пра больш за 20 пацярпелых, некалькі з іх у цяжкім стане.
Пазней 12 студзеня стала вядома, што 4 асобы загінулі – сярод іх двое ратавальнікаў. Лічба пацярпелых дасягнула 47 чалавек, дзесяць з якіх шпіталізаваныя ў цяжкім стане. Пра гэта паведаміла Associated Press са спасылкай на МУС Фрацыі.
Вуліца Трэвіз знаходзіцца ў паўночнай частцы парыжскага цэнтру.
КА, belsat.eu
