ЦВК апублікавала выніковыя звесткі па фармаванні акруговых выбарчых камісіяў: толькі 31 асоба з 1430 чальцоў камісіяў рэпрэзентуе апазіцыйныя партыі.
У акруговыя камісіі трапілі 23 чалавекі ад Беларускай партыі левых «Справядлівы свет», 4 ад БСДП (Грамада), 3 ад Партыі БНФ і адзін прадстаўнік Аб’яднанай грамадзянскай партыі. Агулам доля апазіцыйных партыяў склала 2,2 %. У Магілёўскай вобласці ў акруговых выбаркамах наогул не будзе ніводнага прадстаўніка апазіцыйных партыяў.
Акрамя таго, паводле праваабарончага цэнтру «Вясна», ад руху «За свабоду» ў акруговыя камісіі трапілі 4 чалавекі. Пры гэтым вылучаў апазіцыйны рух у выбаркамы 117 сваіх прадстаўнікоў. З улікам сябраў руху «За свабоду» доля апазіцыі ў камісіях складзе амаль 2,5 %
Ніводны з 36 прадстаўнікоў кампаніі «Гавары праўду» ў камісіі не прайшоў.
КА belsat.eu