Цэнтральная выбарчая камісія Беларусі не будзе рэкамендаваць выбарчым камісіям пры падліку галасоў паказваць бюлетэні назіральнікам на ўчастку, як гэта рэкамендуе АБСЕ. Пра гэта заявіла старшыня ЦВК Лідзія Ярмошына.
Як расказала кіраўніца ЦВК, гэтая рэкамендацыя АБСЕ “можа быць выкананая і ўлічаная толькі нормамі закона», паведамляе БелаПАН.
Паводле яе, ЦВК не мае права прымаць падобныя пастановы.
Нагадаем, што ў апазіцыі тры галоўныя прэтэнзіі да таго, як праводзяцца выбары ў Беларусі. Па-першае, апазіцыя не рэпрэзентаваная ў выбарчых камісіях, па-другое, беларусаў масава прымушаюць да датэрміновага галасавання, пры якім бюлетэні лёгка падмяніць, а па-трэцяе, галасы лічаць удалечыні ад назіральнікаў, не паказваючы ім кожнага бюлетэня.
МГ belsat.eu