Падчас экстраннага эфіру 17 кастрычніка студэнтка Аліна Керава ўжо была мёртвая. Гэта не перашкодзіла вядоўцам праграмы «60 хвілін» тэлеканалу «Расея 1» «пагаварыць» з ёй.
Пра гэта паведамляе праграма Fake News на канале YouTube.
У эфіры расейскага каналу дзяўчына, якую вядоўца называла Алінай Керавой, распавяла пра выбух у каледжы.
Аднак імя 16-гадовай студэнткі ёсць у спісе загінулых, які апублікавалі акупацыйныя ўлады паўвостраву.
Аднагрупніца загінулай Вікторыя Жукава распавяла тэлеканалу «Дождь», што ў эфіры гучаў не голас ейнай сяброўкі.
«Вось с*кі. Аліна загінула. Вядома, гэта не яна і голас не ейны. Няма ў нас у каледжы нікога больш з такім прозвішчам, а тым больш на другім курсе. Голас Аліны я б пазнала ў кожным выпадку», – сказала Жукава.
Страляніну ў каледжы 17 кастрычніку ўчыніў 18-гадовы студэнт Уладзіслаў Раслякоў. Разам з нападнікам забітыя 22 асобы.
ДР belsat.eu